九巴30X(荃威花園——黃埔花園)每日上午九時後回程荃灣方向班次,改經楊屋道,會於12月18日開始生效。
這路線近年改了又改,似是沒完沒了,乘客實在有點無所適從!
30X直達旺角方案 遭政黨聯手反對
不過背後其實是政黨人士個個「交通專家上身」,聲稱自己代表民意,巴士公司「積極回應地區意見」,而造成的局面!
九巴30X路線當年聽取「民意」越行越長,有幾多個站停足咁多地方上落客,行經九龍市區最繁忙亦都是最常塞車的街道,包括彌敦道、長沙灣道、加士居道,班次不穩幾乎是意料中事。但對巴士公司來說,有乘客不斷從中途站上上落落,先至最賺錢。(註:無論巴士、小巴,營運商最唔鍾意的是乘客由頭站搭到尾站)
時而世易,面對鐵路網絡不斷擴展,九巴30X載客量節節下降,編制班次雖已縮減一成,但最繁忙一個小時的載客率已由2013年的71% 降至 2021年的不足60%。
早於2013年,巴士公司經已意識到問題的存在,曾經建議30X路線轉作區域快線營運,不經荃灣港鐵站,由大涌道上荃灣路,直達旺角,希望利用車程時間優勢,與鐵路競爭。當年預計,由於避開行經慣常塞車熱點的長沙灣道、加士居道,班次將會更加穩定,行車時間更可縮減約16分鐘(註:路路順通時間計算)
結果,卻遭到當年區議員強烈反對,理由是「一定唔可以cut站」。咁…這個世界無兩全其美的,無得話又要快、又要多站既!最後,計劃擱置。
改道、減班 二選其一
到了2018年,觀塘延線開通,九巴30X路線載客量就如預期那樣,一落千丈。按照載客量計算,路線經已達至減班門檻,當年那班區議員,又出來反對減班。
巴士公司就話「唔減班都得,你搵啲客出嚟俾我啦!」於是,紛紛提出「堅・離地」意見,建議30X繞經荃灣如心廣場,吸引內地自由行旅客搭巴士出旺角購物掃貨(註:對面其實已有個西鐵站,三個站到佐敦,四個站到尖東)
巴士公司就無咩所謂,行多一個站,執多幾個客,賺多幾個錢,無咩蝕底;最重要的是搭開既乘客,都會繼續等我架巴士。
米已成炊,仲要是在2019年區議會選舉前夕落實,荃景圍居民對於車程又多左十分鐘,相當憤怒,結果成為這些區議員催命符,個個無得留低。
拓展客源 避免再減班
但問題始終要解決!巴士公司的原則是「只要有客就唔洗減班,無客就要cut班,完」。要取消繞經荃灣如心廣場,必定不會回復原線(即是:經沙咀道、大涌道出九龍)。幾經波折,九巴最終看準荃灣東部巴士需求(住宅、工商潛在乘客,加上遠離鐵路站),建議取消繞經如心廣場,改經楊屋道出九龍。
2021年開始,九巴30X路線去程往九龍方向以來,乘客增長果然符合預期,尤其是繁忙時間載客量出現明顯增長。早上繁忙時間,楊屋道樂悠居對面巴士站,每班車也有數十乘客候車;而傍晚繁忙時間,個別班次更曾錄得過百乘客等車。
正因如此,九巴於是建議30X路線回程荃灣方向,亦同樣改經楊屋道,期望拓展客源,方便荃灣東區私人屋苑居民(爵悅庭、樂悠居、尚翠苑…)。一如預期,有關方案獲得支持,並於12月18日正式生效!







