Tag: 民政事務總署

政府部門再次在家工作（ WFH ），但區議員繼續服務社區無得停，政府行政程序慢咗，對資源較少嘅民主派議員而言都係負擔。南區區議員袁嘉蔚（ Tiffany ）話，公務員在家工作或返工時間縮短，佢哋要交單據claim錢唔多方便，政府行政程序拖慢，佢之前要拎自己錢出糧畀助理，直至呢兩日先拎得番助理一兩個月嘅薪金，「唯有節衣縮食，當減肥囉」。 Tiffany話嚟緊辦事處要裝修，如果claim錢太慢，擔心現金流會出問題。佢認為在家工作係好事，但希望政府配套可以與時並進，例如考慮吓用網上系統交單據。荃灣區議員趙恩來就話政府欠緊佢20幾萬，包括辦事處裝修費、過去3個月人工租金等，並透露早前「追數」時，一提到要向申訴專員投訴，政府3日後就畀錢，質疑政府拖延。但佢話公務員可能冇得將單據拎返屋企處理，加上民政處人手好緊，嚟緊希望有budget請人喎。 （原文刊載於《明報》2020年3月26日）

經與運輸署商討，荃威花園 39A、A38 巴士站、專線小巴 84 總站將於明早開始（1月17日）臨時遷移，配合避雨上蓋伸延接駁工程，避免意外發生，方便乘客上落。工程預算會在年廿九（1月24日）完工。敬請留意！

7月26日開始，運輸署把荃威花園二期對出馬路劃作「雙黃線」（全日24小時不准停車限制區），引起居民強烈反彈！ 荃威花園二期D、E座住戶不滿車輛無法停泊住宅大堂門外，接載長者和行動不便人士；裝修公司、搬運工人要求額外運輸費用，甚至拒絕提供服務。有商戶批評新劃「雙黃線」嚴重影響生計。 工黨趙恩來聯絡運輸署跟進事件，得知署方接獲地區意見，期望把荃威花園二期對出劃作「雙黃線」，有助打擊違例泊車。 運輸署於是按照程序，諮詢當區議員、荃灣西分區委員會，當時並無接獲地區反對意見，最終決定落實有關建議。 至8月初，工黨趙恩來發信荃威花園二期D、E座全體住戶，進行問卷調查；結果發現絕大多數的受訪者也認為「雙黃線」並無必要。同時，幾乎所有商戶聯署要求撤銷荃威花園二期「雙黃線」。 經過個多月來的磋商，運輸署接納意見，同意撤銷荃威花園二期「雙黃線」，並會在本月底透過荃灣民政事務處開展地區諮詢。順利的話，運輸署將於2020年初落實撤銷荃威花園二期「雙黃線」，回復原來「單黃線」禁區安排。

一年前，超強颱風「山竹」肆虐，大樹倒塌壓毀愉景新城對出避雨上蓋。事隔一年，荃灣民政事務處終願動工重建。