Tag: 社區參與

民政事務總署早前削減區議會撥款，惹來主導區議會嘅民主派極大不滿，有部分區議會更出招反擊。荃灣區議會尋日(22日)開會討論今個年度嘅撥款分配，期間有泛民區議員提出修訂動議，透過削減畀當區民政事務處撥款等方式，節省57萬港元撥款，而金額正正同該區早前被民政總署削減嘅款項相同。面對泛民透過削減民政處撥款作報復，睇嚟新上任民政事務局局長嘅徐英偉有排煩喇！ 民政總署早前以抗疫為由，削減全港各區區議會的「社區參與撥款」，惹來泛民強烈不滿。其中，被削減金額最高嘅葵青區議會，日前就以削減聘請民政處非公務員合約職員嘅撥款開支作反制；油尖旺區議會社區建設委員會隨後亦通過，暫停所有由民政總署委任嘅分區委員會撥款申請，以作報復。 至於被民政總署削減咗57萬港元「社區參與撥款」嘅荃灣區議會，尋日先開會討論今個年度撥款分配。會議期間，區議員趙恩來提出修訂動議，將原定撥畀「分區委員會」嘅21.8萬港元，同撥畀「公民教育委員會」嘅20萬港元款項削減為零；同時削減原定撥畀當區民政處嘅其中15萬港元撥款，3項修訂合計可以慳返57萬港元，變相可以抵銷民政總署早前削減咗嘅金額。相關修訂動議最終喺15名區議員贊成下獲通過。 趙恩來就話分區委員會同公民教育委員會成員主要由民政處委任，認為其組成並唔民主，亦代表唔到居民，而且主要都係搞啲「蛇齋餅糉」活動，所以不如削咗佢哋啲撥款。之不過，兩者加埋只得約42萬港元，所以趙決定將另外嘅15萬港元喺民政處身上開刀；又提到當區民政事務專員葉錦菁喺佢哋討論嘅過程中並冇出聲，估計佢可以本身都預咗會出現呢個情況。 該區區議會主席陳琬琛亦都話葉錦菁喺會上對削撥款冇特別意見，又話了解到即使通過削減撥款，亦唔會影響秘書處嘅人手安排。不過，做過多年區議員嘅陳，就話自己做咗區議員咁耐，都係第一次見區議會咁樣畀民政總署削撥款，仲話若下年度民政削區議會資源，相信屆時區議員嘅反應會更大。 話時話，徐英偉日前先形容過區議會係遊樂場，只要遵守規矩，就能夠玩得好開心。依民泛民區議會跟足程序修訂撥款，唔知徐又有乜嘢招數應對？ （原文刊載於《東方日報》2020年5月23日）

民政事務總署違反承諾大幅削減荃灣區議會社區參與撥款 57萬元，試圖窒礙民選議會推動支援社區服務，圖謀歹毒！ 冤有頭，債有主！民政事務總署削撥款，後果應由荃灣民政事務處承擔！ 荃灣區議會今日（5月22日）召開特別會議討論 2020-2021 年度撥款分配事宜。席間，趙恩來議員主動提出修訂動議，要求削減多個由荃灣民政事務處主導活動撥款項目，作為反制措施！ 第一，削減「分區委員會」撥款至零！ 荃灣民政事務處定期委任分區委員會，美其名「推動公眾參與地區事務」，但架構與區議會職能重疊，缺乏民意基礎，多年以來淪為建制黨派「俱樂部」。 我們曾經質疑荃景圍區內多個屋苑法團代表，無緣「被委任」成為分區委員，政府卻委任建制背景人士「代表」屋苑處理地區事務，實在諷刺！ 就如荃威花園、千里台，現屆法團主席或委員並非分區委員，「代表」屋苑的卻是前區議員林婉濱的選舉代理人，代表性成疑！ 第二，削減「荃灣區公民教育委員會」撥款至零！ 時至今日，所謂「公民教育」經已漸漸變質，成為政府假借國民教育之名推動「洗腦教育」，盲目地替專制暴政歌功頌德，必須予以抵制。 第三，削減荃灣區議會秘書處撥款約 15 萬元，回應秘書處之前會議期間多次擅自離場，拒絕向荃灣區議會提供秘書服務，只向北京政權表忠，放棄政治中立！ 最終，荃灣區議會在席議員 15 票支持通過修訂動議，讓社區參與活動得以繼續進行，免被政府「不合作運動」騎劫！