無牌外傭中介結業拖延退訂　兩店20多事主投訴　付萬元未獲外傭

支聯會去年維園六四燭光晚會，24名民主派人士涉嫌參與未經批准集結，包括壹傳媒創辦人黎智英。上月黃之鋒、岑敖暉、袁嘉蔚及梁凱晴4人均已承認「明知而參與未經批准集結罪」，分別被判囚4至10個月。案件今日續審，預計將會聽取其餘被告的答辯。大批市民到場旁聽，有市民於今早7時已到場霸位，大斥此案荒謬，形容眾被告「為全香港人受緊苦」。另有市民認為，案件是為港人的悼念自由畫上句號，「如果嗰樣嘢以前係啱嘅，點解會突然變咗唔啱？」 審訊於下午2時半開始，早於下午近1時，已有超過50人在法院內排隊取旁聽籌。部份人因輪候時間長，以個人物品霸位，亦有市民在等候期間看書。 隊頭旁聽師等足7小時 任職教師的葉小姐，排在「旁聽師」隊伍中的隊頭，她於今早7時已到達法院排隊，「（被告）入面有啲我相當敬重、佩服嘅人，黎生啦、兩位人/仁哥（李卓人、何俊仁）、森哥（楊森）啦，其實佢哋行得出嚟都預咗風險，但都照行出嚟，我哋做嘅咪瞓少幾個鐘，無乜所謂」。 她指，對此案大感「荒謬、無奈」，「嗰年六四好多香港市民都有去，我自己都有去㗎，但因為政治原因，將個法律扭曲嚟咁用，作為香港市民真係做唔到啲乜」，形容26名被告「係為緊全香港人受苦」，感激眾人的付出。 作為「旁聽師」，8.18和10.1案件她亦從不缺席，葉坦言，見證法庭如何淪為政治檢控的工具，「睇到晒個官同埋嗰班prosecution council（檢控官）嗰啲嘴臉、嗰啲tactics（策略），法律喺佢哋手上，權喺佢哋手上，啲好minor（細微）嘅allegation（指控）都入到罪」，量刑起點更高得令人嘩然。 對於會否擔心此案被告最終會被重判，她指自己亦擔心早前獲准保釋的被告，今天審訊過後會被判還柙。雖然前途未明朗，但葉永不言棄，希望港人在自己崗位上盡力，「讀過歷史就知，政治嘅變化、世界嘅變化，一晚間㗎咋，我哋堅持我覺得我哋會贏。係，權在佢手，但我哋夜晚瞓得著，我唔相信佢哋（政權）係囉」。 學生旁聽守護悼念權利 學生鄭同學今早11時亦到法院排隊，「其實好小事做呢啲嘢，排個隊，無咩咁辛苦」，以往亦有旁聽。她認為，悼念六四是港人30多年來的歷史，亦象徵港人有悼念的自由，「呢個係我哋應該要有嘅權利，如果你一宣判，其實即係話畀全世界聽，佢唔容許你去悼念」。 鄭批評，現時是整個制度為港人製造白色恐怖，「係個官、係個law（法律）加埋一齊製造一個大話畀你知，你係唔可以咁樣做」，亦認為此案被告必定受重判，「其實係一定會，我唔會覺得驚訝」。 不過，被問到香港是否將會永久失去六四晚會，甚至是集會自由，鄭卻肯定地否認，「我唔會咁樣諗，消唔消失係睇我哋點樣看待」。她以上周市民悼念六四為例，「話畀全世界知，佢話嗰樣嘢唔得，我哋係咪就係要因為佢話唔得，我哋就唔做？如果嗰樣嘢以前係啱嘅，點解會突然變咗唔啱？」。談到對一眾被告有何寄語，「我哋係同佢哋一齊，唔好因為咁樣而覺得唔係同在」。 張先生亦於今午到場等候領取旁聽籌，「覺得唔公平唔公義，希望嚟為被告打氣，我哋都要做返啲嘢」。他慨嘆，現時香港已「無天理」，「而家選舉都話係犯法，無得講嗰喎呢啲，自有公允啦！」。 對於會否擔心眾被告受重判，張坦言「無得擔心」，「肉隨砧板上，佢鍾意點判都無辦法，避無可避」，亦認為現時的法庭要顧及政治任務，「好明顯係執行order（命令）要重判啲，以前啲芝麻綠豆嘢都係罰下款，但而家就要坐」。 鄒幸彤：拉得一兩個麻煩分子　拉唔晒全港仲有良知嘅人 被告之一、今年六四亦被指被指宣傳或公佈未經批准集結的支聯會副主席鄒幸彤在開庭前稱，一年前沒想過今日會有天翻地覆的狀態，26名被告現時仍面對漫長審訊，他們一年前仍可悼念六四，現時卻只有9人仍享有自由。鄒亦指，現時政權用盡所有辦法令監獄外的人士亦不自由，將所有與六四相關的行為定為犯罪，濫用原本只用作公共治安的法律。 鄒幸彤提到學生組織「賢學思政」召集人王逸戰今日被捕，其組織明日6.12不可開設街站，認為政府在敏感日子，預防性地將所有「搞事嘅人」拘捕，此手法一直在中國發生，對付內地維權人士，現時卻用同樣橋段對付港人，無視港人的人權自由。她嚴厲讉責政府濫權做法，並要求盡快釋放王逸戰。 她與支聯會成員舉起多幅今年六四，多區都有市民舉起燭光悼念的圖片，指即使政權千方百計篡改歷史，掩蓋真相，但今年的六四，市民在很大恐嚇下仍站出來，「佢冚得熄維園一個地方燭光，冚唔熄全香港燭光；佢拉得一個兩個麻煩分子，拉唔晒全香港仲有良知嘅人」。她諷刺政權弄巧反拙，越禁止一段記憶，反激起更大反抗，故今年六四市民亦繼續走出來，寄語港人仍有能力戰勝恐懼，亦需要學習如何在新常態下與恐懼並存，並要戰勝國安法的恐懼，繼續爭取未完的理想。 鄒幸彤在開庭前稱，案件涉及24名仍在香港的被告，訟費龐大，希望外界繼續支持支聯會，繼續守護歷史真相。 感謝市民遍地開花：畀好大勇氣我哋...