去年民主派進行初選在全港設約250個票站，當中逾半屬區議員辦事處。多名當時借出辦事處的區議員表示，不擔心成下一輪拘控或DQ目標，認為今次大搜捕行動是要令民主派人人自危，他們絕不會讓當權者得逞，呼籲全港市民團結對抗白色恐怖。
去年有份參選新界東初選、排於劉頴匡名單第三的沙田區議員趙柱幫，投票日借出議員辦事處作票站，他昨日表明完全不擔心被捕，他理解黃店始終是從商身份，或會擔心因借出投票場地被拘，「但我哋從政嘅人，做正確嘅事，就唔需要有任何擔心」。昨日大搜捕消息傳出後，他即收到不少街坊和朋友的關心，笑言第一反應是「一定係要落街食早餐食飽啲，因為去到差館，佢哋係唔會畀飽飯你食」。他指有兩次被捕經驗，亦已預期區議會會遭打壓，勉勵「各位同路人繼續努力」。
大批民主派區議員辭職，部分人思考「轉型」，諗方法延續地區工作。趙恩來（圖）前日辭任荃灣區議員，其facebook發文話「請恕怯懦未能完成四年任期」，但佢同Emily講會繼續部分社區活動，例如兒童足球訓練班、瑜伽班等，全因早前已承諾街坊，「唔能夠甩底」。至於錢從何來，趙恩來話會努力爭取資源，日後或會發起社區月捐計劃，有信心香港人會提供財政資助。 趙恩來話希望繼續保持辦事處，推行環保研究等計劃，指即使冇咗區議員，社區仍有問題要解決，要有人為社區發聲。佢話有研究偕其他辭任區議員辦活動，如社區團購，旨在保持社區嘅溫度。 有人辭任，亦有留低者做最壞打算。屯門區議員張錦雄喺區內幫2019年區選嘅競爭對手、現任屯門分區委員會委員陶錫源宣傳，掛橫額印上陶嘅聯絡資料。張錦雄講笑話，表面上係驚自己被DQ後，居民搵唔到其他人幫手，其實佢話掛橫額係一種控訴，因為分區委有權選特首，職能重要，但日常生活中街坊根本聯絡唔到呢啲委員。 （原文刊載《明報》2021年7月20日）
Read more
現時公職：
- 荃灣區議員（荃威選區）
- 荃灣區議會交通及運輸委員會主席
- 工黨執行委員
- 民主動力執行委員
- 荃威花園業主立案法團秘書
- 全港業主反貪腐反圍標大聯盟發言人
- 香港市民支援愛國民主運動聯合會常務委員
